متحمسة أقولكم هالكلام 😍😍😍 ..
"الطب مُرّ وحُلو .. اصبر على مرارته تتذوق حلاوته❤️"
أول شيء أنتِ بتعيشين تجربتك لوحدك وكل أحد غير عنك بمعنى لا يهمّك إذا أحد كان يشوف الشيء الفلاني صعب والسنة الفلانية صعبة يعني كلها آراء يمكن مارح تفيدك أنتِ جرّبي بنفسك🖐🏻😌 ..
هذي النصيحة الأبدية خليها وصيّة 😂 "ذاكري المحاضرات بيومهاااااا قدر الاستطاعة يعني لازم تذاكرين يوميًا" وأحيانًا تكون محاضرة اليوم مربوطة ببكره يعني ضروري تذاكرينها اليوم عشان تفهمين حقت بكره وهكذا ومو شرط الدكتورة تنبهكم هم فاهمين أننا مفروض نسوي كذا ... أمانةً أنا مرات ما ألحق كثير ما أقولك أني المثالية اللي أذاكر باليوم كل محاضرات أمس و و لأن منطقيًا يمكن مايمديني بس أحاول عالأقل الصباح أقرأ المحاضرة اللي أبي .. يعني قدر استطاعتك. لأنّك لو بالاسبوع ماسويتي كذا بتضطرين تذاكرينها بالويكند ..
عشان لما يجي الميد بس يصير تراجعين وتثبتين المذاكرة شعورمرييح أن أغلب المحاضرات مذاكرتها🤍🤍 ويخليك تركزين أكثر بالمعلومات مو تقرين بسرعة عشان الميد.
مابي أكثّر نصايح وسوالف بس استمتعي بهالكلية 😍😍 ، يعني الحمد لله ربّي اختارك من مجموعة كبيرة عشان تدخلين صحي ثم من مجموعة كبيرة عشان تدخلين طب وثِقي بالله أنه ماحطّك هنا إلا وسبحانه بييسّره لك وأنتِ قدّهاااااا .. معلومات كثير حلوة بتتعلمينها ودكاترة أقسم بالله أني أحمد ربي عليهم ومو وحدة ولا ثنتين الأغلبية كويسااات مع الوقت بتستوعبون اللي أقول❤️❤️ وإذا تحسين ملّيتي من المذاكرة ممكن تذاكرين مع أحد جماعي جربتها كثيير والحمد لله كانت أحسن بكثير من مذاكرتي لوحدي صدقيني فيه بنات يحبون هالشيء بعد فدوّري اللي مثلك 🤍،
خلوكم خوات كلكم وساعدوا بعض بالمعلومات اللي تعرفونها والقنوات اللي تلقونها والمقاطع اللي تفيد بمحاضراتكم والله بتستانسون وتفرحون لما تلقون غيركم يساعدكم .. أنتم قدّها يادكاترة المستقبل والله فخورة فيكم❤️👩🏻⚕️👩🏻⚕️👩🏻⚕️ ..
الله يوفقكم ويسخّرلكم الأرض ومن عليها والسماء ومن فيها وييسّر أمركم ويفتح عليكم فتوح العارفين.
