حابه اكتب بعض الامور اللي احسها فادتني وبعضها اغلاط تعلمتها مع مرور الوقت واشياء انصحهم يسوونها هذي الاجازه.
أول شي سنة اولى طب ممكن تكون الأصعب وممكن تكون الأسهل بناء على النفسيه فلازم تهيئين نفسك لها واستعدي بإيجابية ولازم فيه صعاب بس اذا كانت النفسية حلوه بتتخطينها بالنسبة للنصائح العامة: اول شي طريقة المذاكرة تختلف من شخص لشخص وادري بتسمعون هذا الكلام من ناس كثير كمثال في ناس يدرسون كل الوقت بالجامعه ويبقى بالبيت مراجعة وفيه ناس العكس لكن الشي الضروري انه لازم تذاكرين يوم بيومه بطريقة ذكية المفروض مايخلص الاسبوع الا وانتي مخلصه المحاضرات. قراءة الاسئله مهمه مهمه من اي موقع من اي مكان لازم تقرون، بعض الدكاتره يقولون الاسئله باللكتشر مفروض تكونون مركزين، الأوسبي لازم تذاكرونه من قلب لانه يقلب الموازين، لازم تستمتعون بكل يوم وبكل شي تعرفونه جديد وحاولوا تذاكرون للحياة مو للإختبار، مهم المعدل السنة الاولى لكن لا يكون الهاجس لان سنة اولى من الطبيعي انه تكون فيه درجات مو عاجبتك وشيء جديد وحاولوا كل بلوك تتعلمون من الأخطاء السابقة.
- بالنسبة للفاونديشن بلوك ، طبيعي جدًا تحسون انكم تايهين ولا تعرفون كيف تذاكرون والمعلومات ماتدرون كيف تجي لازم المذاكره كل يوم بيومه والمراجعه كثير لهذا البلوك لان المعلومات سهله لكن الكمية غثيثه هو يحاول يأسس فقط من ذاكرتي لازم تركزون في المايكرو والبايوكمستري والباثولوجي لانها مهمه وهي اللي كان لها الحصة الأكبر في الاختبار حاولوا تربطون وتقربونه للواقع.
- بالنسبة للـ MSK من اسهل البلوكات واحلاها وتحسون انكم بديتوا تفهمون الطب اهم شي الاناتومي بهذا البلوك تراجعونه كثير بتحسون انه مكثف لكن استمتعوا وابتكروا طريقتكم بالحفظ.
- بالنسبة للكارديو من ناحية الكثافة هو اخف يعني بتلاقون وقت اكثر للمذاكره اهم شي الفيزيولوجي افهموه لانهم يجيبون الاسئله من الفهم.
- التنفسي والرينال ما اقدر اعطيكم التجربة حقتي لكن حاولوا تفهمون طريقة كل دكتوره لانهم كل بلوك بيكونون موجودين.
في النهايه حابه اقول لا تيأسون ولا تكون الدرجات هي اللي تحبطكم حاولوا تتعلمون واربطوا لأن الكارديو والتنفسي والرينال فيه معلومات كثيرة متصلة مع بعض بالنسبه لهذا الصيف لا ترهقون نفسكم ولا تفتحون شيء استمتعوا بالإجازه فقط اللي لغتها ضعيفة تحاول تطورها بس واتمنى لكم سنة تكون مليانه نجاح وسعادة
افنان القحطاني - دفعة 439
